Acríco sobre tabliña enteada

Pintamos con acrílico un fondo mariño na tabliña. Debuxamos e recortamos, nun cartón, un promontorio que tamén pintamos con acrílico. Por último pintamos as torres de Hércules impresas en 3D:

Completamos engadindo unhas ondas de puntilla e blondas de papel:

Debuxando con carbón

Na visita que fixemos á exposición de Jorge Castillo, Laura explicóunos o uso do carbón nunha das súas obras:

 Xa na escola experimentamos con él:

Día das Artes Galegas: Alejandro de la Sota

Despois de coñecer os grandes eixos da súa obra, achegámonos a ela dando cor e paseando nun dos seus edificios máis emblemáticos:

Bestiario de Galicia: Urbano Lugrís

E chegou o turno da balea de Urbano Lugrís. Damos cor ao noso mar con acuerala e despois pegamos a figura da balea impresa en 3D:

Día de Rosalía: #AbrideAFiestra

Abrimos para Rosalía unha fiestra chea de luz e cor, na que colocamos a súa imaxe impresa en 3D:

Bestiario de Galicia: Jorge Cabezas

Achegámonos aos lenzos de sardiñas do pintor coruñés  Jorge Cabezas:

E recreamos as nosas pintando tiras de cartón con ceras brandas:

Cortamos papeis de cores para a cabeza e a cola:

Completamos cun botón para o ollo:

Arte Galega: Trisquel

Grazas ao deseño 100hex de Camcar imprimimos un molde co que perfilar o noso trisquel. 

Axudámonos de pasta de modelar branca e un paliño.

Unha vez seco démoslle cor con acrílico e esponxa.

Arte Galega: Torque

Imprimimos en branco o torque que nos acompaña desde setembro para identificar a Historia do noso país:

Dámoslle cor cun acrílico amarelo óxido de ferro.

Forramos un anaco de cartón con papel de seda marrón e pegámolo enriba:

Bestiario de Galicia : Manuel Moldes

Homenaxeamos a Manuel Moldes achegándonos a súa obra, na que identificamos símbolos e paisaxes de Galicia, e traballando coa súa obra "Ao galope"(1983)

Montamos nos seus cabalos, aos que damos cor con témperas flúor e poñemos  lá nas súas crinas:

Bestiario de Galicia: Petroglifo de As Neves

Nunha xuntanza na biblioBN descubrimos os cabalos do petroglifo en As Neves que a vaga de incendios do mes de outubro deixou ao descuberto.

Destacamos as figuras representadas con ceras brandas e rematamos cunha augada de acuarela:

 

 

Bestiario de Galicia: Castelao

Tras achegarnos á figura de Castelao e aos seus debuxos de animais, seleccionamos o porco poque no Entroido vai ter un protagonismo moi especial.

Damos un fondo cunha paletina multi-pincel:

 

e sobre él pegamos as figuras de Castelao impresas en folios de cores.

Aula de 3:

 

 

Bestiario de Galicia: Maruja Mallo

Despois de achegarnos á figura de Maruja Mallo, creamos na mesa de luz coas figuras mariñas das súas Naturezas Vivas:

    

Bestiario de Galicia: Eugenio Granell

Tras a presentación na biblioBN, arrancamos co traballo do Bestiario de Galicia da man de Eugenio Granell:

Serpe da Illa de Arousa

Repasamos, con marcadores flúor, as liñas do debuxo e damos cor con acuarela: